Ìn zistoir dessi la pé… enfin, presk

9 avril, sanm Justin

Sa zistoir y spas ente dè mang. In Mang Zozé ek in Mang Grèf.

Lé dé mang lé sakinn dessi zot pié. Zot y rogard en ba kossa lé entrin espasé dessi la tèr.

Lo Mang Grèf y di lo Mang Zozé : « Oté gard bann boug la, anba-la, bann zimin soidizan ; toutletan zot la pofé la guèr. Zot la po détrui zot planèt, zot na manzé par ta mé nana sat y mor la fin, ou kompran sa ou ? ».
Mang Zozé y réponn à li : « té mon kamarad, moin mi kompran pa sa moin, banna na tout pou viv éré, viv en frère, en pé, mé zot y fé tout à lenvèr ».

Alors, Mang Grèf y razout ek la raze : « Sa in bann kouyon sa ! Moin na in lidé ». « Quel lidé ? » y domand son kompèr Mang Zoze. Mang Grèf y poursuiv son lidé : « Alon tié tout lo bann zimin, é aprè alon dirize la Tèr, nou sora pli rézonab, é avek nou o moin Nora la pé dessi la ter ».

« Lé bon ! Dakor ! » Y réponn Mang Zozé é bien intéresé, li domand : « Aprésa kissa y komand ? Mang Zozé ou bien Mang Grèf ?".

Mézami, mi lèss à zot réfléchi la suite lo zistoir.

A bon antandèr, salu.

Justin

Padport

Signaler un contenu

Inn modékri, inn ti lavi, inn komantèr ?