Mézami sépa si zot i koné, mé fitintan — dann tan la guèr — déssèrtin moune téi fé toute sorte kalité zopérassion in pé loush sinploman pou gingn zot vi épi pou nouri zot famiye… Mi rapèl in zistoir : in défin tonton lété gard-foréstyé é son rol lété d’anpèsh fé toute kalité trikmardaz dan la foré konm par égzanpe pèsh shovrète an frode.

Donk in zour in brakonyé li pass shé mon granpèr-granmèr avèk son tante kouvèrte plin shovrète é mank do po Tonton té la, rozman in pé loin. Gran-mèr i domann ali kossa li néna pou vann — lo boug i vien blan konm in dra simityèr épi li di avèk granmèr : « Mwin néna f…olaye pou v..ann ! ». Aprésa li la disparète.

In bon légzanpe kaloubadia dann tante kouvèrte. Mazine in pé si zot té dann lo ka. Ni rotrouv pli d’van, sipétadyé.

Justin