Normal galman pars La franss i gingn pa rèss son plass : kan la popilassion i rode in l’arbite pou vréman, li trouv an fass li in larbite volèr, in moune i fé l’alyanss konte lo pèp kanak avèk toute sak lo gouvèrnman Pierre Messmer la lèss konm mové konsékanss pou bann kanak mé galman pou bann kalédonien an zénéral.

Kan téi falé d’ète prudan, pétète in pé malin, épi konm i di évite mète luil dsu lo fé, la politik gro doi l’amène droite dann l’afrontman avèk an pliss in sityassion internassyonal lé pi ditou favorab la politik franssèz.

Opliss i sava, opliss la politik i suiv sète Messmer va éshoué é sak i suiv se politik-la va éshoué galman. A biensir Gouvèrnman La franss lé tanté par la répréssion, par la tronpri… Zot lé tanté prézante lo problèm konm li lé pa mé antanssion lizolman internassyonal — La franss lé riskab artrouv ali konm L’anglétèr dann l’afèr GB/Maurice avèk an prime in késtyon kanak pou sèye régl mé san kapassité vréman épi san lintélizansss lo zé.

A bon antandèr salu !

Justin