Mézami sirman zot i koné kozman-la pars mwin mèm mwin néna souvnanss dé li dopi étan marmaye. Mi rapèl bann grann pèrssone téi di sa kan in marmaye téi done linpréssion okin roprosh, okin kritik, l’avé in porté dsi li. Li téi rézist in poin sé tou, pa par inssolans, pa par mové fon, arienk pou amontr kèl kalité do boi li lé fé ansanm. Mé kozman-la té pa arienk pou marmaye, té pou bann grann pèrssone égalman.

Astèr pou marmaye, la plipar d’tan sa téi fini par inn-dé kalote pars dann tan-la lo droi marmaye lé pa konm sèk li lé zordi é marmaye téi gingn lo kou pou finir mé néna pou dislkité dsi la métode, é dsi lo prinssip.

Alé ! Mi kite azot rofléshir la dsi é ni rotrouv pli d’van, sipétadyé.

Justin