Mézami zot i koné dofé dan la paille kann konm sa lé rapide : kissoi dann karo kann an pèryode séchess, kissoi kan téi pran dann in kaz an paille konm l’avé in bonpé néna lontan. An dë tan, troi mouvman, lakaz, la kizine, lo li kour pa, lo bann mobilyé, toussala té détrui an mwins lo tan k’i fo pou di.

Mé astèr si ni anparl demoune, sak néna lo karaktèr vif, sak konm i di i pran la kolèr o galop. Osinonsa kan in sityassion i anvénime rapidman é lé inpossib kal son l’élan. Mi pé dir azot dofé dan la paille kann, sa sé kékshoz i pète an flèr toudinkou é na poin lo tan pou réazi.

Alé ! mi kite azot rofléshir la dsi é ni rotrouv pli d’van, sipétadyé.

Justin