Sirésèrtin lo o lyé néokolonyal déssèrtin téi oi sa konm danzéré é konm dabitide la komanss kriye bann kominiss i vé sépar La Rényon avèk la momon patri. Dann tan-la prézidan La franss téi apèl Sarkozy é mèm si li té pou sak li apèl lo dévlopman andojène — d’apré sak li téi di — sa la pa anpèsh ali tyé noute lotonomi énèrzétil an plin vol, épizapré, mète Didier Robert konm prézidan fantoche avèk la mission d’ kass lo travaye toute in zénérassion l’avé fine fé.

Kan Didier Robert té fine fé son mové travaye lo pouvoir la romèrssyé ali konm i romèrssyé in malpropté. In nouvo zénérassion la pran lo komandman La Réjyon mé vitman-vitman ni oi an o-lyé bann zintéré néokolonyal apré tiss son toil pou in nouvo majorité bien déssidé bèss son pantalon dovan li o-lyé pétète kont bann zavantaj la korupssion — in sorte romiks lo pouvoir Didier Robert. La pa bézoin d’ète dovinèr pou oir sa.

Mé ni pé touzour kroir sa sé in n’afèr k’i ariv ar pa. Apré tou i di pa listoir i répète zamé, é dézyèm foi li bégèye… Ni pé panssé so foi issi li sava béguéyé.i li sava bégéyé

A bon antandèr salu !

Justin