Médam zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zot i koné kréol rényoné i yèm plézanté sirtou kan i fo détgourn in mové kozman. Pars kan kinn i dki "l’assé, la p’assé ?" konm in ménass pou dir d’arété mél o répondèr li vé pa pèrde la fass é sé pou sa ké li réponn par in plézantri sou la form d’in zé d’mo.

Mé zot i koné sa sé in n’afèr lé dann léspri kréol : in manyèr détourn in ménass épi rotour a l’anvoiyèr. O fon sa sé kékshoz mi yèm bien pars sa i magnifyé léspri la rézistanss ;

Alé ! mi kite azot rofléshir la dsi é ni rotrouv pli d’van, sipétadyé.