Mézami noute toute i koné in fë d’boi. Noute toute mi sipoz la fine shof dofé é ni koné koman sa lé gayar é koman wi san konm ou lé bien dann lanvironeman d’ fé d’boi. Sak la pankor konète in sanssassion konmsa di zot famiye, sansa zot résponssab koloni, fé profite azot in gayar sanssassion konmsa.

Alon bien rogardé : momandoné bann flam i arète épi sé in tapi rouz kouvèr avèk la sann ké ni oi. Lo fé l’apré tinn ? Non lo fé lé pa apré tinn, an kontrèr li lé bien vivan mèm si li lé kouvèr avèk la sann. Tanka la shalèr mi anparl mèm pa zot é mi konsèye pa zot dann in léta normal mète zot pyé ladan.

Mé alon anparl la sossyété. Ni kroi li lé batu. Ni kroi zamé d’la vi li va rodrèssé, li va révolté, é poitan pa zordi pa domin lo fé d’la révolt lé kapab bril ankor in kou.

Alé ! mi kite azot rofléshi mé mi pé rapèl azot in kozman lo gran lénine kan li téi di : « in létinssèl i pé mète dofé dan la plène ! » — ni artrouv pli d’van, sipétadyé.

Justin