La vi dann in koloni té difisil, sirtou pou lo travaiyèr. Té lo tan la dominasion. Lékol lé pou in sèl katégori, té pa possib évolié. I travay pou manzé coui dessi la tèr gro propriétèr. La loi navé in sèl koulèr. Bref, konm fransé y ièm di « té lo tan béni dè koloni ».
Nout bann zansien té y ve in sanzeman, té y ve la loi y aplik isi osi et sirtou la loi sosial, parse dan nout péï domoun té y mor la fin. Té sa la volonté la loi 19 mars 46.

A la 78 tan la loi lé voté, bonpé zafèr la sanzé, la santé, lédikasion, astèr na la route et tro loto ziska ! Na dolo kourante, na la linmière.

Wi nou na toussa, nou la bien progresé fo admèt, mé ess à dir nou lé pi in koloni la Frans ? Mi lès à zot réfléchi la dessi, ni en parle en prochaine foi.

Justin