Gran moun i di la konfians sa in gran zafèr, li na in gran Valér. Kan ou na in problèm, kan ou la bezoin kozé pou dévide out kèr, pou fé fann out malèr, out soufrans, lé rar Lo moun ou pé rakonte out souci sans avoir pèr ke ou lé vendi dessus la plass piblik. Dann in vi i ariv gane in kou d’gongne é i fé plézir avoir in moun ke ou pé konte dessu. In moun ki koné a ou, ke na konfians en ou é ké lé pré a ède a ou.

La konfians na in gran valèr et poitan i asté pa li, i vann pa, ou trouv pa dann magazin ni sous galé. La konfians i gane, é oui, i gane. I fo ou mérite, é kan ou na sa ou na in trézor. Solman porte antasion, si ou fé Lo zako, si ou dérape, ou pé perd a li osi vite ke té long pou gagné.

En politik bien souvan nou wa sa. Zonm politik i di la popilasion fé a li konfians mé apré kan li fini èt éli, li oubli oussa li sorte, li oubli son parole, parfwa li narg Lo bann militan ki fé tèlman. Aprèsa difisil artourn en arrière. Konm mi voi la sitiasion aktiel moin la pèr aforse tan, persone y votra pi.

A bon antandèr sali.

Justin