Mézami, mwin la rode éspéssyalman pou nou kozman mwin la marke an-o la é mi koné ni mète anou dann danzé kan ni parl konmsa kèr ouvèr. Souvan dé foi, mwin lé fine ékri in n’afèr avèk lo noir épi lo blan mi éfass pars mwin néna la krintiv dir in n’afèr rassiss.

In légzanp : dan blan kèr noir. Lo blan lé bon koté, lo noir mové koté. In n’ote légzanp mon vyé proféssèr matématik téi di toultan : atanssion pa tonb dsi la pante karantsink pars sa i amenn dirèk dan la taye Batis kaf. Sépa si sète-la lé pa pli pir ankor !

Mézami zot i koné noute listoir avèl lésklavaz, la trète, la kolonizassion, la xénofobi, alor zot i konpran konm mwin lé difissil kan wi ékri épi kan wi koz pou fèr la par dé shoz, épi évite noute kozman dériv dann in sanss rassist. Sé pou sa mi arète tèr-la avèk ziss in l’invitassion pou zot rofléshi la dsi.

Alé ! Ni artrouv pli d’van, sipétadyé.

Justin