Mézami gramoune lontan té pli préssé ké préssé. Si tèlman kan zot i anvoye marmayela boutik, i diré i fo zot la fine ariv avan alé.

Mi rapèl dann liv zistoir Kristian la momon i anvoe Kristian rode in kar d’ronm la boutik é èl i krash atèr épi èl i di lo marmaye : I fo sa la pankor sèk kan wi ariv ! Sé dira ou koman Kristian la kouri, la fishé, la fé la vitèss si tèlman li l’avé pèr son momoni koriz ali kan li aiv.

Par l’fète lo momon té i vé li prèss in pé é li trène pa dann shomin konm kan li sava lékol ; lo kozman i vé dir sinploman lo marmaye la fé la vitèss.

Alé ! Mi kite azot rofléshi la dsi é ni artrouv pli d’van, sipétadyé.

Justin