Lo roi la di avèk Ezope son zésklav li vé manz lo plik méyèr zafèr ké néna. Ezope la prépar in ropa avèk in bonpé pla mé toute l’avé la lang dodan. Zot i panss si lo roi té ragoulé.

L’èrla li la di avèk son zésklav li vé manz lo pli mové zafèr ké néna. Ezope la arsèrv ali la lang kui plizyèr kalité manyèr. Lo roi té ragoulé ankor in kou.

Alor li la di avèk Ezope : « Mi domann aou in ropa avèk lo méyèr zafèr, wi prépar la lang in pé toute bann soss. ». « Apréssa mi domann aou lo pli pir zafèr pou manzé é wi arsèrv amwin la lang. »

Ezope la réponn ali : « Mon Roi ou lé saj pars ou sé lo roi é wi pé konprann kékshoz i pé z’ète tré mové, konm ète trébon é sé sa ké mwin la vouli ésplike aou »

Lo roi la di sinploman apréssa li konpran in pé myé lé shoz é li romèrssyé son zésklav pars la rouvèr son zyé

Alé ! Mi kite azot rofléshir la dsi é ni rotrouv pli d’van, sipétadyé.

Justin