Mi koné pa si zot i ansouvien kozman-la é mi koné mèm pa si sa in provèrb kréol-rényoné pars souvan défoi mi rode anparmi bann provèrb inn i di amwin kékshoz épi mi mète ali an kréol rényoné - lé pa défandi, sé ziste kékshoz anprété. Kékshoz mi mète a la soss kréol rényoné.

Antouléka kossa sa i vé dir : pou mwin sa i vé dir i fo pa mète lotèr dsi lé zot si i ariv in n’afèr ou mèm lé résponsab. Pars sa sé in labitide in bonpé d’moune sa, zot i provoke in n’afèr épi zot i di la pa mwin sé li. La pa mwin sé l’ote.

Poitan sé zot mèm l’otèr é la pa bézoin tro fé travaye la tète pou konprann. Kouto lé la, mé kouto toussèl li fé pa déga li. Sé la min k’i manyé lo kouto k’i fé lo déga é mi panss pa sa i mérite in gran démonstrassion matématik.

Alé ! Mi kite azot rofléshi la dsi é ni rotrouv pli d’van, sipétadyé.

Justin