Mézami toute zafèr shé nou i éspass par sézon : néna la sézon létchi, la sézon mang mir, la sézon longani é néna ossi la sézon shipé. La sézon shipé sé la sézon volé, é la plipar d’tan sa i ariv dan livèr, kan i fé fré, kan i fé noir bonèr, kan poul i sèr azot inn konte l’ote dsi in bransh.

Finalman dann tan mi anparl azot la sézon shipé, sé in sézon volé par néssèssité. Pars dann tan lontan l’avé poin gran-gran volèr pou vréman, konm mi di l’avé bann volèr par néssèssité é sa i fé mwin pèr ké bann gran bandi konmù néna koméla.

Astèr i di la sézon shipé i pass — li néna in komansman épi inn fin — kan la fin i ariv li lé fini.

Alé ! mi kite azot rofléshir dsi in tan lontan k’lété pa konm sète koméla é ni rotrouv pli d’van, sipétadyé.

Justin