Mézami, shèr léktèr zournal Témoignaz, sirésèrtin zot i koné kozman-la pars dsi la kiltir rényonèz zot néna de koi. Anfin d’apré mwin ! Anfin mi parl sak i lir noute zoinal pou vréman pars dopi bélaz é botan i pé dir la kiltir kréol rényonèz sé in pé noute fon d’komèrs. Pa pars ni vann épi ni ashète mé pars pou nou sa sé kékshoz fondamantal é pa dopi yèr solman.

Mé alon éssèye konprann sak kozman-la i vé dir. Mi domann si sa i vé dir la syass néna in kapassité d’roprodikssyon pli for k’la moiyène, donk li fé d’ti é si wi évite inn in koté, wi trape l’ote l’ote koté… Mi di sa mé lo vante sé lo bouzaron, donk wi nouri aou par-la é la shiass i amenn la shiass.

Sé sa, sé pa sa mi koné pa ? Mé sak mi koné kan la shiass i monte dsi in moune aprésa lé dir pou shape èk sa sof si sé oute karma.

Alé ! Mi kite azot rofléshi la dsi é ni rotrouv pli d’van, sipétadyé.

Justin