Mézami sak mwin la ékrir la i rossanb in pé zistoir volèr manyok dann tan lontan. Manyok sa lété in nouritir roshèrché kissoi konm gouté, kissoi konm déssèr, ki soi sèl la grèss poiv, kissoi manyok o siro. An kari mèm li lé vanté.

Manyok sé toutte mon souvnir étan marmaye pars tan-la nou la konète manz ravaz pa pou fé lintéréssan mé pars sa i soutien bien lo kor é sa i konte dan la vi sa. Donk manyok l’avé son volèr : bann travayèr téi zoué karte é aprésa téi rash manyok san arashé arienk an koupan an dsou ; sa téi fé zot afèr mé pa sète lo propriyétèr… Parl pi lo règloman d’konte !

Manyok sa i vol gran-matin sansa nui noir é sé pou sa mi trouv noute kozman lé bien adapté.

Alé ! Mi kite azot rofléshir la dsi é ni rotrouv pli d’van, sipétadyé.

Justin