Kabri-la sa in bon zanimo konm pa. Li rante dann bonpé kozman kréol La Rényon konm « porte la boush kabri », « manz kabri maron », « pandann tan-la kabri i manz salade » — bann kozman-la mwin la trouv sa dann somi-lo mo, lo gran Daniel Honoré mé sirman néna d’ote i arvien pa zordi dann mon tète toutsuite pou toutsuite.

Astèr pou noute kozman « la tète dolé kabri » sa i vé dir lo moune lé nèrvé pars kabri sé in zanimo vif-vif é d’apré sak i di — é si étan pti wi tète dolé kabri ébin, wi vien ipèrnèrvé-i di galman « ipèraktif ».

Alé ! Mi kite azot rofléshi dsi toussala é ni rotgrouv pli d’van, sipétadyé.

Justin