Mézami, zot i koné la brèz, zot i koné la sann, zot i koné la brèz sou la sann. Dann dikssyonèr Alain Armand néna plizyèr léspréssyon avèk lo mo brèz. Par ébzanp, li lé an brèz pou dir li lé bien an kolèr. Osinonsa manz la brèz pou dir bouye avèk la kolèr. Dann in shanté Bernard Payet i trouv in gayar kozman konm « par dovan toué solèye i flanb, lé konm la brèz dsi ton figuir »

Astèr noute kozman mwin la marke an-o la sa i pé di d’in moune i pé démar kar d’tour pars la brèz lé ziss sou la sann é démararz do fé i pé alé vite. La kolèr ossi i pé ariv vite kan ou lé konm la brèz sou la sann.

Alé ! Mi kite azot rofléshir toussala é ni rotrouv pli dvan, sipétadyé.

Justin