Mézami, mi anparl azot lo li kour-pa pars mi panss na pi sa koméla. Dabor sa i vande pa magazin, sa i fé sirplass : kate poto planté dan la tèr, kate plansh pou antouré é toute sak wi trouv pou mète ann-dan, kissoi la paye, kissoi shifon, kissoi toute sorte éspèss de shoz.

Té i pé pa dir ladan wi dor mal, wi dor mèm plito bien sirtou si néna la paye i san bon, sansa la mousse néna dann foré. A ! Biensir wi sava pa vante aou pars ou lé riskab tonb dsi in marmaye i dor dsi li magazin épi li pou gougnarde aou.

Anfin, sa lété dann tan lontan, koméla i ashète lo li shak ané, shak éstan, aprésa i kass, aprésa i ashète ankor. La vi i tourn konmsa koméla.

Alé ! Mi kite azot rofléshi la dsi é ni rotrouv pli d’van, sipétadyé.

Justin