Mézami fitintan toute sak l’avé a vande téi pass dan la min lakap.Péshèr téi pèsh mé kan téi ariv pou vande lakaprèr téi kri : « ala mwin la ! »

é li téi kroi son rol lété pli inportan ké sète lo péshèr téi mète son vi an danjé pou péshé.Plantèr téi lite konte la plui, lo van, la séshrèss é lo tro d’imidité, mé kan la doné wala lakaparèr téi ariv pou pran lo total kapital.

Zanimo lé dir pou élvé é sa i grandi é i grossi pa konmsa mé kan zot la fine forssir in pé é kan l’èr l’ariv élo tan pou pass kouto dann kou, lakaparèr téi prézante é sété li k ‘i pran lo rol prinssipal épi lo bénéfiss.

Sak mi di azot i romonte in pé dann tan é lé possib lo tan lakaparèr lé déyèr nou-i apèl sa grossist mé kèl diféranss.

Alé ! Mi konsèye azot rofléshir la dsi é ni rotrouv pli dvan, sipétadyé.