Antrotan la fine fé troi référandome é bann zéléktèr la vote non pou l’indépandanss avèk in kor éléktoral bloké momandoné. Alon pa konte lo troizyèm avèk lo boykote par bann partizan lindépandans… mé pou lo dë promyéla fé apopré sinkante+ kont sinkante — kont linépandanss.

Gouvèrnman La Franss olèrk li zoué in rol larbite, li mète son poi dann la balanss pou lo non ; astèr si ni rogarde la popilassion :41 % lé kanak, 28 % lé kaldosh é lo rèss 11 % sé in mélanz, in mikrokosm avèk bann wallis, bann futuna, bann chinoi, ban vietnamien. Bann kanak sé la popilassion promyèr.

Gouvernman i sote la dsi é li v éfé vote son loi konstitisssionèl épi étouf lomouvman kanak mé dizon li oi pa pli loin ké son boute né. Pars la pa sa va fé rononss bann kanak zot droi é sirman linjéranss La franss donk sèe Macron li mèm lé p afé pou ramenn lokalm épi la pé.

Dizon zoro i ariv dann la Nouvèl Kalédoni… Li fé koué apré ? Kossa li fé avèk son fitir loi konstitissionèl si li siprime pa sa ? Mi oi li mal fé avanss in bon solission avèk son léspri kololnyal… A moinss ké dann son lidé néna lésploitassion bann fon marin pou bann métal roshèrché mèm si la popilassion lo péi lé konte sa. Toulé konbien sa i sava pété sa ?

A bon antandèr salu !

Justin