15 zwiyé 2024, sanm
Mézami konm zot i koné lo nouvo zélékssion dépité dann la Franss la déboush dsi in n’afèr ankor pli konpliké ké lo zélékssion 2022 : l’avé pwin in majorité pou ninporte ékèl parti épi ninporte ékèl alyanss avan moi d’zyin é dopi lé parèye avèk so kou issi in divizyon dann troi fors é lé pa moiyin pou l’instan dégaj in majorité.
Mwin la lir dann in zoinal La franss lo prézidan i amène la politik an pèrvèr. Mi konpran pa bien oziss kossa sa i vé dir mé sak mi koné sé ké Makron épi la démokrassi i fé pa inn mé dê. An partikilyé lizaz é labizaz lo 49-3. Par l’fète kossa i lé sa ? Sinploman kan ou néna pwin in majorité, wi pass pa o vote. Sé bann zopozan k’i doi dépoz in mossyon d’sansir. Si la mossion lé voté, lo gouvèrnman lé kapoté. Si lé pa voté gouvèrnman i rèss an plass épi sé la loi k’lé voté san votaz.
Mi panss sé sa lo pèrvèrssité pars lo bann gouvèrnman sou Makron i ansèrv la plipar d’tan kékshoz lé éksépssyonèl é sé sak lo konsèy konstitissyonèl la fé romarke lo gouvèrnman mé li tienbo pâ konte pars sé son fasson amene lé zafèr lo péi é sa bann pti kolon la soufèr : bann rotrété la soufèr, bann shomèr la soufèr, bann travayèr la soufèr dsa konm bann konsomatèr. Pars kan ou la pwin lo droi diskite in loi, pars kan i mète pa o vote, i rèss arienk pou fé pass in loi san voté é fransh vérité i pé pa apèl sa la démokrassi.
Zordi lo nouvo fron popilèr li vé kass toute so bann loi anti-popilèr pou rovni dsi in sossyété mwin inzist ké sak néna zordi. Mé Makron li vé sinploman sov son bann loi kapitalist inzist é li panss li va kass lo nouvo fron popilèr é kontinyé avèk bann dépité dann in lalyanss di santre avèk in bann dépité droite é gosh la zamé prézante azot dovan bann zéléktèr pou sov lo program Makron.. Mi panss sé sa la pèrvèrssité sossyal.
Zordi ni anparl pa lo bann rolan lo kolonyalism mé ni pé konprann sa lé vital pou nou, pou lé zot zil, pou la Kanaki-nouvèl kalédoni, pou La polinézi épi pou bann péi konm Madégaskar mé i fo ni anparl sa sito k’i gingn pars nou lé pa solman anmanshé avèk in lésploitassion, kapitalist mé galman avèk lo mové rolan lésploitassion kolonyal.
Justin
Alors que l’île entre dans la saison sèche, La Réunion fait face à une menace grandissante : le manque d’eau. Malgré le passage du cyclone (…)
Nous venons d’apprendre que la tentative honteuse d’Olivier Hoarau de faire voter par le conseil municipal la protection fonctionnelle en sa (…)
Mézami néna inn-dé soir mi garde télé é mi oi in késhoz i rapèl amwin mon zénèss : lo tan issi La Rényon l ’avé pa mal bèf moka. Par l’fète sa la (…)
« Le financement du modèle social repose trop sur le travail », a estimé le président le 13 lors d’une interview diffusée sur TF1. Il souhaite que (…)
Mézami zot i koné bann békèr d’klé ? Sak i travaye o noir épi i toush in moné pou inn tash a fèr. Noute toute i koné sa la pa in n’afèr a fèr, (…)
Dans les régions ultrapériphériques d’Outre-mer, la pêche artisanale est essentielle sur les plans économique, social et culturel. Elle y fait (…)
Ce 9 mai, Moscou a accueilli les commémorations du 80ᵉ anniversaire de la victoire sur l’extrême droite en Europe, en l’absence des dirigeants (…)
Mézami mi sorte lir dann lésprèss Maurice lo poinn-vizé in moune inportan i apèl Edouard Maunick dsi lo kréol morisien épi son dévlopman laba shé (…)
Ce dimanche 11 mai, le nouveau Pape a prononcé sa première prière devant des milliers de fidèles à la basilique Saint-Pierre de Rome. Durant son (…)
Les États généraux de la canne à sucre doivent poser la question de la gouvernance de la filière, responsable de la crise actuelle sans précédent. (…)
Les eurodéputés ont adopté de nouvelles règles en matière d’émissions de CO2, offrant un délai supplémentaire aux constructeurs en retard sur (…)
Les enfants qui naissent aujourd’hui ont, dans la majorité des cas, la chance de connaître leurs grands-parents, voire leurs (…)
