Mézami, zordi mwin la anvi anparl azot kozman-la si tèlman mwin lé sirésèrtin zot i koné sa. Ni koné demoune, la plipar d’tan lé pa optimiss, an kontrèr zot i oi la vi an noir la plipar d’tan : in pti linkonvényan é oila k’zot lé parti pou souplégné mé lé vré lo malèr konm la maladi sa i ariv san bate dsi la porte é lé rar in bon ouvèl nouvel i ariv konmsa.

Parèye pou la maladi, li ariv an vitèss, mé pou larg aou li pran son tan é li néna lo tan pou li doz aou. In pé va dir la vi lé konmsa é ni pé riyin.

Alé ! Mi kite azot kass zot koko la dsi si zot i vé é ni rotrouv pli d’van, sipétadyé.

Justin