In kozman pou la route

« Mète an Mète, néna son Mète ! » 

8 mars, sanm Justin

Médam zé Méssyé la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, si mi di azot kozman-la sé pou rapèl azot, dann tan lontan, l’avé touzour in kok de vilaz é li téi tape toulmoune éli téi pran in malin plézir pou tape pli fèb ké li. Sa téi dir in tan épi in n’ote kok téi ariv é lo promyé kok de vilaz téi pran in batlavé.

Finalman la vi lé konmsa. In pli for li lé pli for sof si li trouv in n’ote pou galiz avèk li, dizon pou vanj bann pli fèb.

Tan nèrvi nou la konète é bann nèrvi téi pass zot tan aake demoune onète ziskatan ké bann pli fèb i fé in l’inion, in solidarité, pou fé arète lé térèr é kan téi gagn té in vré siksé pou zot.

Donk fransh vérité, mète an mète néna son mète é i fini par koriz l’an profitès é ni artrouv pli dvan, sipétadyé.

Justin

Padport

Signaler un contenu

Inn modékri, inn ti lavi, inn komantèr ?