In kozman pou la route

« Mi nouri pa lo vèr pou pike mon kèr » 

20 févrié, sanm Justin

Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, m’a dir azot franshman, kozman-la mi yème pa li pars mwin la konète bonpé d’moune téi pran sa promyé dogré… Mi koné in séga i di konmsa : « Zanfan la pa mwin, mi done pa manzé, mi nouri pal o vèr pou pike mon kèr ».

Mézami dann mon vi mwin la vi toute sorte shoz : in zour mwin la konète in méssyé téi done manzé son prop zanfan é pa lo zanfan lo fam l’avé avan konète ali. Si zot i koné zistoir zot i koné sirman dé ka la famiye té inzist avèk in zanfan é téi fé proféranss pou lé zot é biensir lo zanfan maltrété té bien maléré.

Mi éspèr sa lé rar zordi, mé mwin lé pa sir sé pou sa mi domann azot rofléshi la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?