Mézami zot i koné, pou nou rényoné, konm pou in bonpé pèp dsi la tèr, ni kroi la vi apré la mor é sé pou sa ni vé pa déranz lame bann moune fini pass l’ote koté. Pli pir, mi panss ni krin bann mor.

I ariv amwin dir avèk demoune mové moune sa néna dsi la tèr. Sé an parmi bann vivan ni trouv mové moune donk la pa bézoin la pèr demoune la fine pass l’ote koté. An prinssip in pé va di oui, mé konte pa dsi zot pou ramass inn sassé dann simtyèr.

Mi koné mèm in moune la di amwin la pa bézoin amenn lakaz in boutèye savon moityé vjide — sak i vé pran ali, mé nou ni ramenn pa sa la kaz. A par sa zot la pa pèr lo mor… Kézot i di.

Alé ! Mi kite azot rofléshi la dsi é ni rotrouv pli dvan, sipétadyé.

Justin