Mézami zordi lo mo bitassyon i pass dann mon tète. Normal koméla mi rèss dan lé ba é mon bitassion lé bien loin déza dann tan lontan mé mi rogrète lo tan bitasskion. Ala pou kossa mi anparl avèk zot…

Bitassion sa in mo i rapèl drolman in labitassion. Donk in landroi wi abite ? Pa ditou, la pa in landroi demoune i abite, sansa i rèst, mé in landroi i travaye sinploman la plipar d’tan.

Si wi kriye : « La pwin pèrsone ? » dovan la kaz lo plantèr. Si sé l’om ki fé lo métyé plantèr, lo madam i pé réponn aou : « Li lé pa la ! zordi li travaye bitassion ». Donk wi ropass talèr sansa wi sar rode lo moune dann son bitassion. Wa trouv ali laba sansa lo shien va signal oute prézanss.

Travaye bitassion, in travaye dir mé pa lo pli mové métyé.Ni atrouv pli d’van sipétadyé.