Mézami dann tan si wi sava domann inn fiye an maryaz ou téi rode inn fiye plito zoli mé lo papa épi la momon lo fiye té i pran prékossion bien maryé zot fiye. Bien maryé sé maryé avèk in bon travayèr.

Kékshoz i manti pa sé la min lo jenn-jan é la min-la l’avé kal dodan épi té dir galman - sé pou sa mwin la marke lo kozman an-o la. Si oute min lé tann sa i vé dir ou na pwin labitide fé bann travaye dir é si wi fé pa travaye dir wi gingn pa nourir in famiye. Fil aou !

La min dir té la min in bon travayèr donk la kalité roshèrché pou fèr in bon mari.

Alé ! Mi kite azot rofléshir la dsi é ni rotrouv pli dvan, sipétadyé.

Justin