In kozman pou la route

« Momon Zako i trouv son pti zoli »

8 avril, sanm Justin

Médam zé méssyé, la sossyété,koz èk mwin sé koz èk in kouyon mé sé o pyé d’l mir k’i oi lo masson.

Mézami, kozman mwin la marke an-o la, mi koné dopi lontan ; mi panss zot ossi, zot i koné sa. Mé kossa sa i vé dir pou vréman ?

Zot i koné nou bann z’imin ni admir pa lézot zéspèss, mèm zanfan demoune ni trouv déssèrtin lé pa zoli. Poitan bann zanimo i done anou losson : momon kajou i trouv son pti zoli, momon tang mi panss i yèm bien son bann pti pars konm k’i diré li lé bonpé matèrnèl avèk banna. Ni pé pran d’ote zéspèss ébin nou va trouv lo mo vilin i égziss pa dann zot santiman.

Alor, pou kossa mi di sa ? Mi di sa pars mi trouv nou lé pa assé fyèr par raporte sak nou bann sanblab i fé, é mi panss ni dovré parsa bien rogardé ann zimin sa i fé gayar zafèr é mèm néna bonpé ni pé kalifyé zoli.

Alor, mi konsèye azot bien rofléshi dsu l’èv l’imanité é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?