Mézami, kan ni réfléshi bien, ni konpran lo pyé i rante dann soulyé mé lo soulyé i rante pa dann pyé. Poitan kréol i koz konm mwin la marke an-o la é la pa arienk dopi zordi. An pliss i paré ké dann la lang bann zanglé i koz konm nou issi la Rényon.

Alors i fo bien ni réspèk la manyèr kozé sak la vni avan nou plito ké shanj manyèr é mète a koz konm i koz an Franss osinonsa in pé va dir noute kréol sé konm in franssé déformé é si i di sa mi oi sa konm lo komansman d’la fin noute gayar lang kréol rényoné.

Mi an profite pou dir avèk zot, si nou la anprète la lang franssé é ni romèrssyé lo bann zinvantèr, nou la fé la lang kréol rényoné é ni doi ète fyèr pou la lang nou la fé é ni doi réspèk son baz pars sé la baz mèm lé pli inportan ladan, é ni rotrouv pli d’van, sipétadyé.

Justin