Mézami, shakinn rante nou, momandoné, i doi fé son shoi dan la vi. Bon shoi, mové shoi, lo problème sé ké wi koné apré, défoi lontan apré. Défoi wi pass inn vi apré rogrète lo shoi ou la fé momandoné, dann oute zénèss…

Kozman-la i rapèl amwin in léktir dann zistoir Kristyan, kan lo marmaye i vé kite lékol pou alé grate kann é son momon i vé pa biensir, mé lo papa li lé plito pour é an parlan d’li, li di sak mwin la marke an-o la. Konklizyon : si mwin la fé konmsa, akoz mon garsson i fré pa li ossi.

An fète sré bien si shakinn rantre nou i gingn fé plizyèr shoi d’vi, mé la késtyon sé : sé ou k’i shoizi oute vi, sansa sé la vi k’i shoizi aou ? Grann késtyon, gran program é sé pou sa mi kite azot rofléshir la dsi é ni artrouv pli d’van, sipétadyé.

Justin