Mézami koméla ni fé parti in drol sossyété toulmoune i panss zot i koné myé lé shoz ké lé zot. Pa par l’étide, pa par l’ékol, pa par la roflékssion, mé pars sa lé dann zot natir imène. Souvan défoi mi trouv demoune konmsa é mwin lé a d’mandé kissa osinonsa kossa i done azot lorguèye konète san aprann.

Final de konte dan la vi toulézour lé bon d’ète konmsa pou bien fé romarke d’ote moune ké zot sar pa lo dindon d’la fars é ké li lé pa déssidé fé avoir ali konm in blan-bèk i fé avoir a li. Pars dann in n’afèr konmsa pa bézwin fér lo savan mé ziss d’ète assé malin pou pa ète pri dann innn ponp.

Alé ! Mi kite azot rofléshi la dsi é ni rotrouv pli dvan, sipétadyé.

Justin