Mézami souvan dé foi déssèrtin — mèm in bonpé — lé fyèr zot papa sirtou bann garson mi panss pars bann fiye i pansh sirtou koté momon. Sa lé normal pars avèk lo tan wi apèrssoi oute papa l’avé dé kalité ké ou téi oi pa toultan li lété vivan épi ou téi pé kotoiye ali.

Pou kossa atann la mor pou fé in romarke ? Pars dann toute pèrsonne néna kalité pi néna défo é malorozman lo défo i parazite in pé lo bann kalité. Mwin mi fé parti d’lo moune i pans shak imin néna son prop jéni mé lé pa touzour k’i oi bien. Apré la mortalité wi trass in tré dsi lo bann défo si ou lé in pé klèrvoyan, épi sé lé ké wi konstate lo bann kallité.

Alé ! pou sak néna la shanss an avoir bien konète zot papa, ébin pass é ropass son vi dann zot majinassion é zot va oir koman zot l’avé la shanss gingn in papa konmsa. Mi kite azot rofléshir la dsi é ni rotrouv pli d’van, sipétadyé.

Justin