Mézami zot i koné kan néna in l’assossyasion dë moune néna forséman in dominan épi in dominé. Lo dominan lé la pou doné lo dominé lé la pou gagné. Doné épi gagné la pa forséman dé bone sho. I pé done kozman ; i pé gingn kozman. I pé done lo grin, é wi pé gingn lo grin.

Si tan tèlman wi pé z’ète ragoulé é mwin la antann in kamarde apré di : « Mon fanm la done amwin lo grin, la pa lèss pou planté. »… L’èr-la mi pé panss zour-la la ate rokor… Mé alon arète plézante avèk sa ! Sirtou ké zordi lé dispite inter-familyal, toulmoune i anparl. I sèye mèm fé rokil bann zafèr konmsa mé lé pa si telman fassil… Mi éspèr v’arivé o firamézir si tèlman k’in kozman konmsa va passé avèk lo tan.

Alé ! Mi kite azot rofléshir la dsi é ni rotrouv pli d’van, sipétadyé.

Justin