Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami, promyé foi mwin la antann kozman-la, mwin lété dan la klass katriyèm é sak la di sa lété mon proféssèr l’anglé, in moune téi sorte La Plaine des kaf épi téi apèl Douyère.Konm li té pti, dizon shéti, bann gran marmaye téi apèl ali Pti Douyère.Pti dakor mé li téi fé pèr anou si tèlman mwin la di momon tir amwin dann lékol-la, mwin la tro pèr bononm-la.Mé mwin té obljé résté…

Alor lo kozman sa té in n’afèr bann marmaye La Plaine téi di.Zot téi pass krok an zanm é kan la viktime téi protèst lo malfézan téi ansorte ali par in zé d’mo-ankor in zé d’mo pou pa domann éskiz.

Alé ! Mi kite azot rofléshir é ni rotrouv pli dvan sipétadyé.

Justin