Mé zami si mi rogarde dann somi-lo mo, in liv, Daniel honoré, mi oi lo vèrb apiye i ansèrv bonpé. Par ébzanp : « apiye ali » i vé dir « ède ali » ; mé ivé dirgalman dépassa li dan la kours ; kissa wi apiye dann zélékssion ? Kissa wi suporte ; shofèr « apikye a plate » fé vite ; « apiye dsi oute zénèss » i di sa kan in moune i apiye dsi ou olèrk déboute son toussèl.

Astèr ni arvir dsi noute kozman « apiye la boutik » : sa sé lo ka plkizyèr moune i vien dovan la boutik dopi gran matin an kète in ronm pou boir — kansréti pou arète tranblé. Mi trouv pa sa tro gayar d’ète la arien a fèr sof pétète kass pti boi inn-a-l’lote.

Alé ! mi kite azot rofléshi la dsi é ni rotrouv pli dvan, sipétadyé.

Justin