Mézami si mi di azot mi yèm pa kozman-la, zot va domann amwin pou kossa. Mon réponss, shak foi mwin la antann sa té in komansman d’dézorde, konm in lintrodikssion pou kékshoz i pé z’ète lo débu d’vyolanss intra-familial é biensir sé in n’afèr mi yème pa. Sirtou k’i paré issi shé nou néna bonpé.

Lé ga, mi yèm pa k’i kritike mon péi é mi yèmré li lé lo myé possib donk kan i align léstatistik la kolèr i pran amwin. Akoz ? Arienk issi demoune néna vilin manir ? Mé fransh vérité mi apèrssoi dann noute péi néna dé shoz a rovoir é lé domaz dir sa, dann noute péi demoune néna bon kalité mé néna ossi vilin défo.

Alor alon amélyor noute kalité é fé pass in pé noute défo.

Nou sar gagnan sipétadyé.

Justin