Mézami karo dann la lang kréol sa néna plizyèr sanss : néné karo dann sanss karo kann, néna karo dann sanss « poz karo ». Néna ankor landroi wi vann bazar dann marshé forin é sa i apèl karo… épi néna lo fèr pou ropassé é sé sa ké ni oi zordi.

Dann tan lo karo té in pti fèr wi mète dann sharbon aprésa wi pass sa dsi linz pou ropassé. In tan l’avé gro fèr avèk lo sharbon anndan i pèrmète aou ropass plizyèr linz inn apré l’ote-lo pti karo i rofroidi vite, i ropass pa lontan avèk...

Done in kou d’karo, sansa pass in kou d’karo la pa vréman in ropassaz, la plipar d’tan sé in dékrazaz i fé vite-vite konmsa linz lé assé prézantab. Mi panss sré bien si ni arkomanss dir karo pars lo mo lé bien zoli épi in karo éléktrik la pa non pli in vilin konpozé.

Alé ! Ni artrouv pli d’van, sipétadyé.

Justin