Mézami, zot konm mwin, ni koné in ta avèk in paké proverb rényoné. La plipar d’tan sa i ral anou. I ariv kant mèm lo provèrb la pa in provèrb mé arienk in zé d’mo. D’ote foi ni domann anou kossa sa i vé dir pou vréman ? San trouv la klé.

Dann provèrb mwin la marke an-o la néna in zé d’mo dsi lo mo « for » : piman lé for, kalou ossi lé for mé la forss lé pa mèm natir. O fète zot i koné la forss piman i mézir an scoville é la forss in kalou wi bate dann pilon pou kraz piman i mézir an kilo.

Souvan défoi mi fé konfyanss Daniel Honoré pou li ésplike amwin dann son somi-lo mo lo sanss in provèrb é sète mwin la marké solon li i vé dir an franssé : il n’est si fort qui ne trouve son maître. An kréol, mi diré « for an for, néna son mète »

Mézami mi arète la ézot ossi fé travaye in pé zot koko d’tète é ni artrouv pli d’van, sipétadyé.

Justin