Mézami, ni di piman lé for mé zot i koné bien kozman kréol i di konmsa si la pa for, la pa piman. Mé néna konm i di, for èk for — néna for wi gingn manzé épi for wi gingn pa manzé. O fète i paré i mézir koméla la fors in piman — néna in linité d’mézir é sa i apèl léshèl de Scovil mé mi koné pa si néna in linstriman d’mézir pou sa.

Mé astèr nou lé dann in provèrb é provèrb-la kossa li vé dir ? Pou mwin son réponss lé dann in n’ote provèrb k’i di : « Mète an mète va trouv son mète ! » ; La prèvpiman néna son mète.

Alé ! Mi kite azot fé travaye zot koko la dsi é ni rotrouv pli dvan, sipétadyé.

Justin