Mézami an parlan lo kozman d’zordi, mi panss zot i koné kozman-la é si zot i koné pa zot i pé fé in dovine-dovinaye… Si wi sava dine avèk Grandyab i fo wi prépar aou pou sak i pé ariv aou. Wi koné bien Grandyab i manz demoune é si li invite aou, sirman li néna mové lintanssion.

Mé san z’alé ziskéla noute kozman i domann aou pou fé antanssion : la frékantassion mové moune sé in mové frékantassion. Frékante lo shien wi gingn lo piss. : in tapèr i pé tape aou, in volèr i pé vol aou, in tranglèr i pé trang aou, in léskro li pé éskrok aou. Donk pran prékossion, pars wi koné pa kissa ou néna a fèr. Sirtou ké pou fèr bone inpréssion Grandyab i mète son linz de fète.

Alé ! Mi kite azot rofléshir la dsi é ni rotrouv pli d’van, sipétadyé.

Justin