Mézami konm zot i koné sa la pa in kozman La Rényon solman vi k’li lé in pé partou dann toute kozman toute péi néna dsi la tèr - i pé dir ossi li lé dann la tète in pé toulmoune. Kissa i pé dir amwin si kan li l’avé in déssizyon pou prann li la pa ézite in pé, bonpé, a la folie.

Anou la Rényon ni di nou lé rante dé kèr : ni ézite rante fé é pa fé, sote lo pa, pa sote lo pa. In vyé moune in zour la di amwin si wi ézite rante A épi B, mon anfan, wi pran C é kan mwin la di ali kossa i lé lo C, li la réponn amwin sé shyé avèk. Anfin shakinn son manyèr oir lé shoz.

I paré in ga konm Napoléon téi di : « Dann lamour lo sèl viktoir sé la fuite ! ». Konm koi ni artonm parèye.

Alé ! Mi kite azot rofléshir la dsi é ni rotrouv pli d’van, sipétadyé.

Justin