Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami dan la vi néna touzour demoune pou rode linpossib osinonsa pou rode kékshoz lé sir pa trouvé. Sé konm rode pou èk lante dann in tète prop-sirésèrtin wi sava pa trouv arien. Mé pou kass oute tète ou lé pou kassé. Fèr sasé mète aou dann in difikilté san nom.

Défoi i di ossi rode la tète la mori sansa rode la tète sardine dann boite sirésèrtin na poin rien pou trouvé mèm si ou l’apré rodé.

Alé ! Mi kite azot rofléshir la dsi si sa i vo la pène é ni rotrouv pli dvan, sipétadyé.