In kozman pou la route

« Sa in vizite doktèr wi rann amwin la ! »

22 mé, sanm Justin

Médam zé Méssyé, la sossyété koz èk mwin sé koz èk in kouyon mé sé o pyé d’lo mir k’i oi lo masson.

Mézami pou in vyé moune, in vizite sé in vizite donk in déranjman éksopré épi in rèss in pé d’tan-lo tan done nouvèl é mèm pliss. Sé konmsa k’mwin la antann in madam roprosh son fiye pou in pti vizite konm sète in doktèr : lo tan pran la tanssion, ékoute lo kèr, fé inn-dé lékritir pate moush pou rode médikaman.

Donk lo madam téi di son fiye : sa in vizite doktèr wi fé amwin. Si sa la pa in roprosh mi koné pa kossa sa i lé. Aprésa èl l’azoute : mwin lé pa malade, mwin la pa bézoin vizite doktèr… Sa na d’koi gate la zourné in moune antouléka mi oi sa konmsa.

Alé ! Ni artrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?