Médam zé Méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami zot i koné, an parmi bann zanfan shakinn néna son kraktèr. Inn i pé z’ète soumi, l’ote i pé z’ète robel. Inn lé obéissan, l’ote lé pa… O fon sa lé konmsa de toutan é étan zanfan nou ossi nou lété konmsa.

La fote a ki ? Mi koné pa mé antouléka mwin la antann souvan dir in marmaye ipèr-aktif sé in marmaye la tète dolé kabri. Konm kabri lé nèrvë zot ossi i vien nèrvë é lé touzour difissil konm i di fé rante azot dann ran.

Mi koné pa kossa zot i anpanss mé antouléka mi kite azot rofléshir la dsi é ni rotrouv pli d’van, sipétadyé.