Mézami dann tan demoune téi manz mayi téi zète pa arien : kissoi lo mayi soso, kissoi lo mayi-dri, kissoi ankor lo son épi la zèl. Lanmsime-la téi manz kan l’avé pi arien. Mi rapèl mon papa la di amwin kan téi ariv lo tan pou manz lanmsime son momon téi dépoz ali shé son tonton pars banna té in pé mwin pov ké zot.

Mi di sa pars fitintan sak té mizèr téi afish pa zot tro dovan lo moune — in késtyonn pidèr, inn késtyonn fyèrté. I pé dir zot l’avé zot fyèrté é zot téi vé pa lo moune té i koné zot sityassion pou vréman. Sa sé in n’afèr k’i pé konprann.

Alé ! Mi domann azot pou rofléshir la dsi é ni rotrouv pli d’van, sipétadyé.

Justin