Mézami mi rapèl la nui té long é nou téi dor sou la tab. Inn fasson konm in n’ote pou ète protézé mé mi rapèl pi koman nou l’ariv sou la tab-la. Sirman papa momon la porte anou la, amwins ké sé noute gran pars lé sir li la du édé.

Momandoné fénoir la dissipe in pé, lo van la fébli, la plui sa té i tonb touzour. Kan toudinkou konm par mirak in kastrol pistash bouyi la mète a sirkilé, dsou la tab. Toute bann pti min té plin pistash é nou la komanss manzé : nou la kass sèrkèye é nou la manz lo mor… épi nou la komanss gaspiye inn é l’ote.

Lo zour téi ropran favèr, la vi téi ropran ossi… i dédègne pa pistash bouyi. Kou d’van la fini. Ni artrouv pli dvan, sipétadyé.

Justin