Mézami, mi koné pa si zot i koné kozman-la, mé assiréman i fo konète ali dann in monde néna si tèlman d’zanbrouye, si tèlmann shoz lé pa anonssé par avanss, bone shoz défoi, mé pli sirman bann movèz shoz.

Zot i koné noute toute la fine antann parl la guèr nikléèr é noute toute i panss par lékilib la térèr in guèr konmsa i doi pa ariv zamé. Shak instan dann noute vi ni pé avoir la krintiv sa i ariv ; ni dor so soir é domin dann kèl léta la tèr sar fine randi.

Ni koné dann passé laba dann Japon bann zamérikin la lanss dë bonb nikléèr. Dë bonb, sa la fé déga mé la guèr lé bien kapab détrui la prézanss imène dsi la tèr… mi di pa sa v’arivé mé, konm, i di sa lé konm in lipotèz zordi pou l’imanité.

Alé ! Mi kite azot rofléshi la dsi é ni rotrouv pli d’van sipétadyé - si l’om la pankor disparète kor é bien.

Justin