Mézami, dsi la tèr néna dé shoz i konte dann bann pti zinité, d’ote an moiyin zinité, d’ote ankor an gran zinité. In kourss i konte an ségonn sansa an minite. In travaye i konte an èr d’tan. Konjé sé an somenn.épi néna sak i konte an moi épi an z’ané.

In vi normal i konte an z’ané : na poin lontan mwin la trouv in kamarade néna katrovin dizan. Mi pé dir la pa katrovin dis zour, ni katrovin dis moi pou amontre sa vi ziskissi té longue, é la pankor fini… Mi souète pou li.

Lo train La Rényon néna pliss san’t’an donk la pa san moi ni san zour. Alé ! Mi kite zot léspri bate karé dann bann zinité d’tan é ni rotrouv pli d’van-sipétadyé !

Justin